كم يكلف إصلاح حادث بالخلف

اذا بيرشها بتطلع عليك تقريبا 1400 ريال
إذا تعديل فقط بتكلفك 800 ريال تقريبا
الأسعار هاذي في ورش المدينة
تختلف حسب المنطقة لو أنت من أهل الرياض التسعيرة بتكون اقل بكثير

احسن شي اعرضها على ورشة بوية وشوف.

بس باين شغلتك بسيطة ان شاء الله كلها كلبسات بس يعني لا رش ولا حتى سمكرة.  الجسر بيتعدل شاكوش عادي, اقول لك سالفتي


العام الماضي قدر الله وسويت حادث و الخطأ علي الحمد لله على كل حال ربي لطف وستر, المهم كان استمارة سيارتي بتنتهي

باقي لها 3 ايام شفت التأمين اجراءاتهم طويلة فقررت اصلح السيارة على حسابي اوديها الورشة اللي بمزاجي و تخلص ان شاء الله.

خفت التعاونية ياخذون نهاية الاستمارة حجة ويماطلون في التصليح وانا مااقدر اقعد وسيارتي مصدومة و واقفة, لازم اسوي شي.

المهم اضرار سيارتي كانت صدام أمامي منشق و الشبك مع الاسطبات الأمامية الأنوار و الاشارات ما تكسرت بس طلعت من

محلها يعني كلبساتها راحت.  الجسر انطعج بس السمكري عدله لي بشاكوش لأنه حديد ماهو بلاستك نفس الصدامات.

المهم اشتريت بس صدام امامي تايواني والى الأن ماشاء الله ماشفت منه الا كل خير رغم انتقاد الناس للتجاري و صبغته فرن

نفس لون السيارة والله و من غير حلفان او مبالغة باين عليه مثل الشد بلد.  ومعاه عشرين كلبسة الحبة بريال واحد. من محل قطع

غيار نيسان.

الورشة اللي صلحت فيها سيارتي كان السعر 1700 ريال شامل الرش و الشغل اليد بعد المفاصلة رسينا على 1000 دفعت له

وخذيت سيارتي.  ورشة ممتازة شغلهم نظيف بس عيبهم غاليين, يصبغون نفس الوكالة و الصبغ عندهم مادة المانية.

استغرقت مدة التصليح 4 ايام بس دخلت السيارة الاربعاء الصباح و الأحد بعد صلاة العصر مريتهم و خذيت سيارتي.

كنت مضطر على حسابي لأنه مستعجل الاستمارة انتهت وابي اخذ السيارة فحص دوري و الفحص مايمشي سيارة مسوية حادث.

قلت عليه العوض ومنه العوض. 

شباب عطوني تقييم أبي أنزل موضوع لي كم يوم ماني قادر ..

وأبي أعرف وش الزيت المناسب للصني ٢٠١٦ ولزوجته ..